Naging close at na-link dati si Enzo Pineda sa batchmate niya sa StarStruck V na si Sarah Lahbati.
Sa naturang artista search ng GMA-7 ay naging First Prince si Enzo, samantalang si Sarah naman ang itinanghal na Ultimate Female Survivor.
Ngayong sangkot ang young actress sa matinding usapin laban sa management ng GMA-7, hindi maiwasang matanong si Enzo tungkol dito.
Nakausap ng PEP.ph (Philippine Entertainment Portal) si Enzo sa thankgiving party para sa fans club niyang Enzopipps at ng EnLou, na tagasubaybay naman nila ng girlfriend niyang si Louise delos Reyes.
Ani Enzo, “I don’t really know the whole story, actually,
“Pero… parang ang gulo, e.
“Kasi ayoko namang makinig sa sinasabi ng ibang tao. Mahirap na yung ganoon, e.
“Ako, kung ano iyong pagkakakilala ko kay Sarah, I’ll leave it that way.
“Pero sana, maayos na kung anuman iyong conflict. Kasi sayang naman, e.
“Marami pa siyang puwedeng ma-achieve sa career sa showbiz and everything.
“So… sana ma-patch kung anuman iyong problemang meron.
“At saka… I don’t know. Siguro in time, we’ll see kung ano ang mangyayari.”
Source: http://pep.ph/news/37056/enzo-pineda-on-sarah-lahbati-ldquosana-maayos-na-kung-anuman-iyong-conflicthellip-marami-pa-siyang-puwedeng-ma-achieve-sa-career-sa-showbiz-and-everythingrdquo
